விஞ்ஞான பைரவம் - தந்திர சாஸ்திர நூல்

Aug 31, 2026

விஞ்ஞான பைரவம் என்ற தமிழ் தந்திர சாஸ்திர நூல், மிகப் பழமையானதாகக் குறிப்பிடப்பட்டு 112 தியான நுட்பங்களை உள்ளடக்கியதாக விவரிக்கிறது. இந்நூல் தந்திரத்தின் சாரம், பைரவர்-பைரவியின் மெய்யுரு, சக்தி-சிவம் உறவு மற்றும் ஆத்ம சாதனை வழி ஆகியவற்றை கவிதைநடை உரையால் முன்வைக்கிறது. ஆன்ம அனுபவத்தில் உள்வெளி மூச்சு, புள்ளியியல் அமைதி, சக்கரங்களை தாண்டும் முறை, தியானம் மற்றும் பிரணவ மந்திர ஜபம் போன்ற நடைமுறை கருத்துகளை இணைத்து, சத்திய தரிசனத்திற்கு வழிகாட்டுவதாக அமைந்துள்ளது.

LanguageTamil

CategoryForms

FormatDOCX

Pages25

Reading Time9 min

AccessFree to download

நூலைப் பற்றி

பெயர் மற்றும் வகை

மொழி மற்றும் மூல நூல்

தமிழாக்கம், பக்கங்கள், விலை/பதிப்புரிமை

தந்திரத்தின் சாரம்

பைரவர் உரை

சக்தி-சிவம் தொடர்பு

தியான வழிமுறைகள்

உள்வெளி மூச்சு மற்றும் புள்ளி

சக்கரங்கள், குண்டலி

தியானம், பிரணவ மந்திர ஜபம்

விஞ்ஞான பைரவம் அச்சம் தெளிதல் தமிழில்: ஸ்ரீ ஸ்ரீ வேதானந்த இது ஒரு தந்திர சாஸ்திர நூல். மிகப் பழமையான இந்த நூல் 112 தியான நுட்பங்களை உள்ளடக்கியது. நூலைப் பற்றி: பெயர் : விஞ்ஞான பைரவம் வகை : தந்திர சாஸ்திர நூல் மொழி : தமிழ் மூல நூல் : ஆதிசிவன் தந்த ருத்திர யாமளம் தமிழாக்கம் : ஸ்ரீ.ஸ்ரீ. வேதானந்த பக்கங்கள் : 30 A4 size விலை : சிரத்தையுடன் படித்தல் பதிப்புரிமை : இதனை நீங்கள் இலவசமாக பயன்படுத்தலாம் என்றாலும் பயன்படுத்தும்போது இந்த ஆசிரியர் மற்றும் வலைதளம் பற்றி அவசியம் குறிப்பிடவேண்டும் HYPERLINK "http://creativecommons.org/licenses/by-nc-nd/4.0/" \t "_blank" Attribution-NonCommercial-NoDerivatives 4.0 International HYPERLINK "http://sknathan12.wix.com/vedaspark" http://sknathan12.wix.com/vedaspark HYPERLINK "http://www.vedaspark.weebly.com" www.vedaspark.weebly.com Author contact id: HYPERLINK "mailto:sknathan12@gmail.com" sknathan12@gmail.com தேவி பேசுகிறாள், உருத்திர யாமளம் முழுவதும் கேட்டேன் ‘த்ரிக தந்திர’மும் நான் அறிந்ததுதான். இருப்பினும் என் ஐயம் தீர்ந்திடவில்லை த்ரியம்பக! தங்கள் உண்மை உருவெது? உம்முருவா பிரபஞ்சத்தின் ஆதார ஓங்காரம்? உண்மை உருவை உணர்ந்திட வழியென்ன? பைரவ ஆகமத்தில் ஒன்பது வழிகளுண்டே! த்ரிசீர பைரவ தந்திரம் தானுண்டே? சக்தி முந்நிலை அறிந்தால் அறியலாமோ? நாத பிந்து கலைகள் உணர்த்துமோ? ஆதார சக்கரங்கள் ஆறில் அது தெரியுமா? தடுக்கும் அரை நிலவு காட்டிட முடியுமா? ஒருக்கால் சக்தியின் வேறான வடிவமா? ஒருமையும் பன்மையும் ஒன்றாகக்கூடுமா? ஒருமையா பன்முகமா உன் தன்மை? ஒருமைக்கு மாறல்லவா பன்மை? ஒருமையில் பேதங்கள் ஒன்றுதல் எங்ஙனம்? அருள்வீர் ஐயனே என் ஐயம் அழிந்திட பைரவர் உரை செய்தார், நன்றுரைத்தாய் நாயகியே! தந்திரத்தின் சாரமிது. ஐயம் அகன்றிடவே தந்திர மறைப்பொருளை - பைரவ உருவென பாரோர் உரைப்பதை - செவ்வனே உரைப்பேன் செவிமடுப்பாயே!. பைரவத்தின் சகர தத்வம் பயனற்ற கானல் நீர். ஆத்ம சாதனைக்கு அணுவளவும் பயனில்லை. இந்திர கந்தர்வர் ஜாலத்தை ஒத்தது அது. நுட்பமற்ற புத்திக்கும், சலனமுற்ற மனதுக்கும், தியானத்தில் திளைக்க – செயல்களைத்தான் நாடும் வீணருக்கானதது பைரவத்தின் உருவம் ஒன்பது வடிவிலில்லை, அக்ஷ ரங்கள் எதிலுமில்லை த்ரி சீர பைரவமும் சக்தி முந்நிலையுமல்ல. நாதமும் பிந்துவும் அவ்வுரு காட்டாது தடையாகும் அரைநிலவும் தன்மை உணர்த்தாது ஆதார சக்கரங்கள் ஆறை துளைத்தாலும் சக்தியதும் சத்தியத்தை காட்டிட வொண்ணாதே தாயும் குழந்தைக்கு சோறூட்ட சொல்லும் கதை போலும் பைரவ உருவத்தின் வர்ணணைகள் சடங்குகள் பலவும் முதிர்வற்ற மாந்தர்தமை சத்திய தரிசனத்திற்கு ஈர்க்கும் இனிப்புகள். சித்தம் அடங்கிய சித்தர் தமக்குள்ளே நித்தம் முகிழ்க்கும் ஆனந்தமாகவேதான் இரட்டைகள் கடந்த ஒருமை வடிவாக விரியும் சராசரத்தின் முழுமையும் தானாகி பைரவ – பைரவியின் மெய்யுரு தோன்றலாகும். நீர்மையே சாரமாம் நீளுலகில் பைரவர்க்கு நீங்காது எங்கும் நிறைந்திருக்கும் தன்மையதாம். மேலான உண்மைத் தன்மை இதுவாக மேவிடும் பூசனைக்குரியவர் யார்?ஏற்பவர் யார்? உரைத்திட்ட பைரவத்தின் உண்மைத் தன்மைதனை உள்ளத்தே உணர்ந்திட்ட உத்தம மாந்தர் பிரபஞ்சத்தின் ஆதார சக்தியென நிற்கின்ற பர தேவி இதுவென்று பார்த்திருப்பார்தானே வலிவுள்ளோன் அல்லாது வலிவும் வேறாமோ தாரணியைத் தாங்கும் தர்மமாம் பரதேவி தர்மத்தை தன்னுடலாய் கொண்டது பைரவம் தீயும் சுடும்தன்மையுமாய் பரதேவி பைரவமும் ஆயின் இரண்டெண்பார் ஆரம்ப நிலைதனிலே மெய்யறிவுப் பாதை நுழைவாயில் அதுவாகும். சக்தி நிலையதனில் சத்தியமாய் திளைப்பவர்கள் தானே சிவமாய் தனை உணர்வாரே தானே சிவமாய் தனை உணர்ந்தவர்கள் தானே சிவமாய் அமர்ந்திருப்பாரே இத்தகு நிலையை சித்தர்கள் அடைவதால் சக்தியே சிவத்தின் முகவரி என்பார் விளக்கின் ஒளியில், விரியும் கதிரில் விளங்கி நிற்கும் திசை, வெளி, உருவம் போல் விளங்கும் சிவமே, விளக்குதல் சக்தி! இவ்வாறுரைத்த பைரவம் பணிந்து, தேவி உரை செய்தாள்: தேவ தேவனே! த்ரிசூலம் தாங்கியே! கபால மாலை உமக்கு அணிகலனாம் காலம் வெளி திசை குண ரூபம் கடந்து நிற்கும் கோலம் விளங்க எனக்குரைப்பீரே எவ்வழி பைரவ நிலை உணர்ந்திடுதல்? எவ்வழி சக்தி, சிவத்தின் முகமெனல்? அவ்வழி நானும் தெளிந்திடும் வகையில் செவ்விய மலரடி பைரவ, உரைப்பீர்! பைரவர் உரைத்தார்: காலம் கடந்து நிற்கும் பரதேவி தன்னியல்பால் காற்றாய், ப்ராண அபானனாய் உருக்கொண்டாள் ப்ராண அபானனின் தோற்றுவாய் தொட்டிட பூரணத்துவம் மானிடர்க்காகுமே உள்வெளி மூச்சை ஊன்றியே பார்த்து திரும்பும் புள்ளியை திருத்தமாய் உணர்ந்தால் பைரவ சாரம் வெளிப்படத் தோன்றும் பைரவி என்றிதை பாரோர் புகல்வர் உள்வரு மூச்சு உறைந்திடும் போதில் உள்ளீடான சக்தி உலவாதொழிந்த

FAQs

விஞ்ஞான பைரவம் நூல் எந்த வகையைச் சேர்ந்தது?

இது தந்திர சாஸ்திர நூலாக விவரிக்கப்படுகிறது. நூலில் பைரவர் உரை மற்றும் தியான வழிமுறைகள் இடம்பெறுகின்றன.

விஞ்ஞான பைரவம் நூலில் எத்தனை தியான நுட்பங்கள் உள்ளதாக கூறப்படுகிறது?

112 தியான நுட்பங்களை உள்ளடக்கியதாக நூல் பற்றிய பகுதியில் குறிப்பிடப்பட்டுள்ளது.

ஆத்ம சாதனையில் முக்கியமாக எடுத்துரைக்கப்படும் சில கூறுகள் என்ன?

உள்வெளி மூச்சை ஊன்றிப் பார்த்து திரும்பும் புள்ளியை திருத்தமாக உணருதல், அமைதியில் பைரவம் பளிச்சிடுதல், சக்கரங்களை தாண்டிடும் முறைகள் மற்றும் பிரணவ மந்திரம் ஜபித்த அமைதி போன்றவை குறிப்பிடப்படுகின்றன.

Aug 31, 2026

Upload by Theodore