Mˬ ga paˆ le shaw-iˬ ngaˇ-a - The sky is going to fall - Akha

Jul 18, 2026

Upload by Liam

Mˬ ga paˆ le shaw-iˬ ngaˇ-a (“The sky is going to fall”) is an Akha-language story presented with an English gloss. Through dialogue and vivid scenes, it explores fear, uncertainty, and the tension between rumor and reality as characters react to an impending catastrophe. The narrative includes reflections on language, belief, and collective emotion, while emphasizing how people search for meaning and comfort when the world feels unstable.

LanguageEnglish

CategoryStory & Novel

FormatPDF

Pages16

Reading Time25 min

The sky is going to fall

Story and dialogue

Mˬ ga paˆ le shaw-iˬ ngaˇ-a The sky is going to fall Akha Mˬ ga paˆ le shaw-iˬ ngaˇ-a The sky is going to fall Sahˬ boꞈ boꞈ -eu ghaˬ: Samlao Pao Aˇ baˇ boꞈ -eu ghaˬ:Sai Rong Dawˬ oeˇ: Aˇvaꞈ dawˬ oeˇ Dawˬ yuˇ doˆ-euˬ tsawˇ jeuˬ dawˬ: Aˬ khaˬ Dawˬ yuˇ doˆ-euˬ ghaˬ: Aˇsm Yaˬ haw-eu: September, 2021 Author : Samlao Pao Illustrator :Sai Rong Original Language : Wa Translated Language: Akha Translator: Ah Suhn Edition : Test Edition Date : September, 2021 Akha Copyright © 2021, Akha Literature and Cultural committee [http://creativecommons.org/licenses/by-nc/4.0/](http://creativecommons.org/licenses/by-nc/4.0/)[ ](http://creativecommons.org/licenses/by-nc/4.0/)[You may not use this work for commercial purposes. You may](You may not use this work for commercial purposes. You may)[ ](You may not use this work for commercial purposes. You may)[adapt and add to this work. You must keep the copyright and](adapt and add to this work. You must keep the copyright and)[ ](adapt and add to this work. You must keep the copyright and)[credits for authors](credits for authors) , illustrators, etc. Aˇ hu ba, jeˬ zaˬ deuˬ-aˬ , dawˬ ngehˬ nya-awˇ yaˇ mˇ dzaˬ-euˬ meh. Htiˬ mawˇ htiˇ mawˇ ghaˬ ngaˬ ngaˬ ngaˬ-ehˇ mˇ-awˇ, qhaˬ hmˇ, qhaˬ tcehˆ, qhaˬ laˬ hawˇ -eu aˇ myoꞈ deuˬ-aˬ , mawˇ neˇ-euˬ yaˇ-ahˇ yaˇ mˇ luꞈ-eu meh. Lahˬ-aˬ , jeˬ zaˬ nui deuˬ-ahˇ maˬ duˇ-ehˇ nymˇ gawˬ yaw doeˇ doeˇ-eu miˇ neh aˬ chawˬ deuˬ nehˬ-ehˇ ghaˬ ngaˬ ghaˬ phaˇ maˬ mˇ ni aˬ yawꞈ htiˬ mawˇ tehꞈ -ehˇ aˬ yawꞈ-euˬ yaˇ-ahˇ mˇ-eu meh. Nahˇ tsaˇ ui cuiˆ qaˆ laˇ naˇ, aˇ bawˇ naˇ shmˇ uˬ moˆ ghaˬ naˬ naˬ-eu tehꞈ-ehˇ shaˇ noeˬ-awˇ yaˇ dzeˇ dehꞈ -eu maˇ miˬ (aˬ nyoˬ baw suˬ) aˇ bawˇ uˬ moˆ ghaˬ naˬ naˬ-iˇ-euˬ meh. Naˇ shmˇ-ahˇ yaw muiˬ-ehˇ ya naˬ-eu miˇ neh nui ma saˇ lehˆ ni gheh-awˇ, miˇ tsaˬ qhoeˇ taˆ ya dehꞈ-eu aˇ yamˬ laꞈ qhoeˇ ya phuˬ ya mawˇ-eu laˬ qhaˬ chehˇ laˇ phaˬ-ehˇ gheh-eu jeˬ , noeˬ shaˬ qhahˬ lahˇ laˇ phaˬ-ehˇ gheh-eu jeˬ-ahˇ shaˇ noeˬ luꞈ-eu meh. Htiˬ qhehˬ ghehˬ naˇ yuꞈ qaˆ yoeˇ laˇ-awˇ aˇ bawˇ naˇ shmˇ uˬ moˆ yuꞈ qaˆ byoˆ-euˬ meh. Htiˬ qhehˬ gheh naˇ, jaˬ lehˇ lehˇ ma baw laˇ-awˇ, aˇ bawˇ aˇ paꞈ deuˬ , miˇ tsaˬ deuˬ jaˬ lehˇ laꞈ qhoeˇ htiˬ byah nijaˆ luꞈ-eu meh. Uˬ yehˇ yehˇ le-eu keuˆ laˇ htaˬ -awˇ mˬ naˆ tsui ni pyeuꞈ-iˇ-euˬ uˬ taꞈ aˇ paꞈ deuˬ miˇ tsaˬ deuˬ tehꞈ-ehˇ byah jiˇ htaˬ-euˬ miˇ neh htiˬ jeˬ-iˬ maˬ mawˇ laˇ-a. Qhoeˇ ngeh yamˬ-ahˇ lahˬ yuꞈ qaˆ byoˆ htaˬ-awˇ yuꞈ maˆ maˆ khuiˇ luꞈ-eu miˇ neh htiˬ jeˬ-iˬ maˬ siˬ nya-aˬ . Jaˬ lehˇ lehˇ ma baw-eu miˇ neh maˇ miˬ aˇ siˬ qawꞈ"Bah" lehˇ baw kha leꞈ-euˬ meh. Maˇ miˬ aˇ siˬ ga khale-eu hteˇ saˇ gaˬ-awˇ lahˬ yuꞈ qaˆ htaˬ-euˬ tsawˬ noeˬ laˇ-awˇ mˬ-ahˇ ghawˇ leuˇ haw ngeh, zahˇ tsui ni pyeuꞈ jiˇ htaˬ-awˇ jaˆ gaˇ ya mawˇ-awˇ yaw dzuˬ dzuˬ laˇ htaˬ-euˬ meh. Lahˬ aˇ dzehˬ guˆ dzeuˇ-awˇ "Heˇ ..... mˬ ga paˆ le shaw-iˬ ngaˇ-a. Cehˆ-awˬ de, cehˆ-awˬ .... "lehˇ guˇ guˇ-ehˇ choeˬ-euˬ meh. Lahˬ cehˆ cehˆ-ehˇ cehˆ naˇ gaˇ ma-ahˇ aˇ ho hawˇ-eu qhaˬ tcehˆ mawˇ-awˇ "Mˬ ga paˆ le shaw-iˬ ngaˇ-a de. Yawˬ ghaˬ na luꞈ cehˆ-awˬ de" lehˇ guˇ-awˇ aˬ nyaꞈ qawꞈ sheuˬ-awˇ cehˆ-euˬ meh. Qhoeˇ ngeh, mawˇ neˬ -euˬ yaˇ-ahˇ yaˇ mˇ luꞈ-eu jeˬ zaˬ deuˬ hawˇ-eu ya mahawˇ-eu jeˬ zaˬ nui deuˬ qawꞈ hteˇ saˇ qhoeˇ gaˬ-awˇ guˆ-eu miˇ neh cehˆ chaw gheh-euˬ meh. Gaˇ ma maˬ mawˇ nya-ehˇ pyeuꞈ-iˇ naˇ, ya ma-ahˇ mehˬ shi phawneh gaˇ ma bi htahˬ dahˇ-awˇ dzeˇ-eu jeˬ zaˬ deuˬ mehˬ nah phaw neh chaw hteh-euˬ meh. Gawˬ jawˬ ngaˬ jaw cehˆ dzeuˇ laꞈ ngeh, yawˬ ghaˬ na luꞈ ghaˬ doeˇ doeˇ laˇ-awˇ ghaˬ naˬ htiˬ qhehˬ naˬ-euˬ meh. Ghaˬ naˬ naˬ luꞈ ngeh, jaˬ lehˇ naˬ leˇ-awˇ nahˇ ma qawꞈ phaˇ mawˇ qoꞈ laˇ-euˬ miˇ neh mˬ ga paˆ le-eu maˬ ngeuˇ-ehˇ uˬ yehˇ yehˇ le-eu lehˇ gheh-eu gaˇ kawˆ siˬ nya laˇ-euˬ meh. Yawˬ ghaˬ na luꞈ qawꞈ maˬ shaˇ noeˬ gahˇ ni jahˇ-euˬ lahˬ-ahˇ nui qhahˇ htiˬ pawꞈ -iˬ maˬ shiˇ-a. Qhoeˇ ngeh, qhaˬ tcehˆ mawˇ htuˇ-awˇ"Awˬ .. mˬ ga paˆ le-eu maˬ ngeuˇ-ehˇ uˬ yehˇ yehˇ lemawꞈ-eu tehꞈ gaˇ aˬ dui maꞈ htiˬ jeˬ-iˬ maˬ shaˇ noeˬ ni qhaˇ cehˆ maˬ cehˆ cehˆ-eu miˇ neh nga htawˇ" lehˇ ehˇ-eu meh.

FAQs

这篇作品的主要主题是什么？

作品围绕“天空将要坠落”的紧迫感展开，通过人物反应与对话表现恐惧和不确定。

故事中人物如何应对灾难预兆？

人物在传言与情境冲击下产生强烈情绪，并通过交流寻找解释与安慰。

作品的语言与创作信息包含哪些内容？

文档标注为 Akha 原始语言，包含作者、插画师、改编/转载与署名的许可说明，并注明日期为 2021 年 9 月。

Jul 18, 2026

Upload by Liam